ثق بربك

اوعى تفتكر إن الظلم والأذية والخذلان اللي مريت بيه وكسرة القلب اللي حسيت بيها هتعدي عادي كده .. ربنا مبينساش أبدا عبد من عباده اتظلم  واتأذى واتكسر بخاطره.. ممكن يجي عليك وقت تنسي وممكن تسامح وتعدي لكن ربنا مش هيسيب حقك، ربنا فاكر وعارف انت اتظلمت و اتأذيت ازاي وكمية الظلم والأذية اللي مريت بيها اطمن انت مع الله العادل.. حقك هيرجع حتى ولو بعد حين وهتحس بالعوض لأن ربنا أحن من إنه يشوفك حزين وما يجبرش بخاطرك ويجبلك حقك من كل اللي ظلمك وآذاك  !!

ربنا لما هيجي يحاسب الظالم إن شاء الله مش هيحاسبه لوحده ..فيه اللي سانده و فيه اللي قواه و فيه اللي دبر وخطط و فيه اللي قاله براڤو أكثر كمان وشجعوا على الظلم !!

هيحاسب اللي عرف أنه ظالم و حاول يقنع المظلوم أنه غلطان و عيشه فاقد الثقة ف نفسه و فاكر أنه معندوش حق و هو صاحب حق تالت و متلت ..

هيحاسب اللي صدق من غير ما يتأكد و بنى صورة أبعد ما تكون عن الحقيقة

هيحاسب اللي سكت و اللي خاف واللي اتهرب أنه ينصر الحق و هو عارف الحقيقة ..

هيحاسب اللي رمى الفكرة في ملعب الظالم و قاله العب ..

هيحاسب اللي ضحك ضحكة صفرة ف وش المظلوم و قالوا كلمة مستفزة ..

"ولا تحسبن الله غافلا عما يعمل الظالمون إنما يؤخرهم ليوم تشخص فيه الأبصار"

"مفيش حاجة هتعدي بالساهل كده ..إن الله لا يغفل ولا ينام "